2012/2013 სასწავლო წელს პირველ კლასში შემომსვლელთა საყოველთაო რეგისტრაცია იწყება 2012 წლის 15 აპრილიდან და გაგრძელდება 15 ივნისამდე.
01 აპრილიდან 15 აპრილამდე რეგისტრაციის გავლა მხოლოდ მათ შეეძლებათ, ვისი და-ძმაც უკვე სწავლობს სკოლაში.
მშობლებს პირველკლასელების დარეგისტრირება შეეძლებათ უკვე ინტერნეტით, განათლების და მეცნიერების სამინისტრის საიტზე და ასევე განათლების მართვის საინფორმაციო სისტემის (emis) საიტზე აპლიკაცია განთავსდება.
მოზარდის დასარეგისტრირებლად, მხოლოდ სამი კომპონენტი იქნება საჭირო - სკოლის არჩევის შემდეგ, ვებ გვერდზე ბავშვის სახელი, გვარი და პირადი ნომერი უნდა ჩაიწეროს. დამატებით საბუთებს მშობელი სკოლაში წარმოადგენს ბავშვის დარეგისტრირების შედეგ, არაუგვიანეს 1 (ერთი) სამუშაო დღეში, აუცილებელი დოკუმენტების არ/ვერ წარმოდგენის შემთხვევაში მოსწავლის რეგისტრაცია ავტომატურად ბათილდება.
საქართველოს განათლებისა და მეცნიერების სამინისტროს 2007 წლის 16 აგვისტოს ბრძანება
№675 საფუძველზე, მშობელმა მოსწავლის პირველ კლასში ჩასარიცხად უნდა წარადგინოს, შემდეგი დოკუმენტები:
1. მოსწავლის კანონიერი წარმომადგენლის განცხადება სკოლის დირექტორის სახელზე (ივსება ადგილზე);
2. დაბადების მოწმობის დედანი და დაბადების მოწმობის ნოტარიულად დამოწმებული ასლი;
3. ერთი ფოტო სურათი 3x4 (ფერადი);
4. ჯამრთელობის ცნობა
5. ცნობა სამოქალაქო რეესტრიდან (პირადი ნომერი);
6. მშობელთა/მეურვის პირადობის მოწმობის ასლები;
7. მეურვის შემთხვევაში, მეურვეობის დამადასტურებელი ნოტარიული ასლი;
8. ლტოლვილის მოწმობის ასლი და სოციალურად დაუცველის მოწმობის ასლი (არსებობის შემთხვევაში)

მოსწავლეთა მისაღები კონტიგენტი: სულ 120 ადგილი (მხოლოდ ქართულ სექტორზე)
საბუთების მიღება იწამოებს სკოლის საკანცელარიოში 14/00 საათიდან 16/00 საათანდე (შაბათი კვირის გარდა).
ადმინისტრაცია